اخترت MG6 علشان شكلها مختلف ورياضى. ركبتلها كاربون فايبر وشكلها طلع أحسن من الفابريكا العربية من جوه تصميمها حلو بس خاماتها ناشفة شوية، مفيهاش إحساس الفخامة، وده خلاني أزود شوية إكسسوارات عشان أحسن الشكل. النظام الترفيهى مش أسرع حاجة، والكاميرا الـ360 مش واضحة خالص، وده تقريبًا عيب مشترك بين كل الموديلات. فى السواقة، العربية سريعة وثابتة، والموتور 1.5 تيربو بيستجيب بسرعة، سواء فى الطلعة أو على الطريق. صوت الشكمان الرياضى جامد جدًا، أنا على طول مشغل وضع السبورت، بيخلينى مستمتع وأنا سايق. الصوت اللى طالع من الكاوتش واضح، كان نفسى يبقى العزل أحسن.