ما كنت أطلب أداء عالي، أحتاجها فقط للاستخدام العائلي، والهايبرد فعلاً هادئ ويوفّر في البنزين بشكل واضح. التسارع عادي، يمكن بس شوي أسرع من البنزين العادي عند الإشارة. السيارة مش مثل الألماني أو الأمريكي من ناحية المواد المستخدمة، بس الصراحة ما تفرق معي طالما القيادة ناعمة والمواصفات تفي بالغرض. نظام تثبيت السرعة التفاعلي ممتاز، مش زي الكهربائيات، لكن يكفي لتخفيف التعب في الزحمة. الشكل الخارجي أعجبني، والكاميرات 360° واضحة جداً وسلسة. الفتحة البانورامية شوي مزعجة مع الشمس، طلبت ستارة من الإنترنت وإن شاء الله تخفف المشكلة. المقاعد الكهربائية مع الترحيب مريحة، والشاشة مع الـ HUD ممتازين، لكن البرامج في النظام ما فيها بعض التطبيقات المشهورة مثل الخرائط أو الموسيقى، وهذا عيب. كل المخارج Type-C، وهذا شيء عملي بالنسبة لي، الصوتيات متوسطة، الوكالة ما عطوني خصم كاش، لكن عوضوني بكروت بنزين تكفي لسنة أو سنتين تقريباً. العزل جيد، والتعليق مريح، لكن صوت الإطارات عالي شوي، خاصة لما تدخل حصاة صغيرة. ما مشيت فيها كثير للحين، لكن بشكل عام أنا راضٍ فيها كأول سيارة في حياتي. كل سيارة فيها عيوب ومزايا، أهم شي تختار اللي يناسبك.