بعد ما رزقني الله بالطفل الثاني، صرت محتاج سيارة أوسع وأنسب للعائلة، جربت أكثر من سيارة من السيارات الكورية واليابانية، لكن يا تكون فوق الميزانية يا مواصفاتها ما تقنع. ركزت في النهاية على ثلاث خيارات: هيونداي توسان، كيا سبورتج، ومازدا. CX-5 سبورتج كانت ضبطها رياضي بزيادة وشكلها ما ناسبني، والتوسان كنت متحمس لها بس لما رحت الوكالة خلوني أستنّى قرابة الساعة بدون اهتمام، فاستبعدتها. في النهاية جربت CX-5 وأعجبتني، فحجزتها. من ناحية المساحة، أنا طولي 182 سم وجلست مرتاح والسعة الخلفية مناسبة لزوجتي والأطفال. الأداء في البداية بطيء شوي، لكن على السرعات العالية تمشي السيارة بثقة حتى لو كانت محمّلة، وقالوا لي أصحاب السيارة إن الجير يتعلم أسلوب القيادة مع الوقت. التحكم والثبات ممتازين وهذا شيء معروف عن مازدا، تحس السيارة متماسكة على الطريق، ونظام التعليق ينقل الإحساس بالطريق بس بدون إزعاج، ففعلاً راحة الركوب ممتازة. بالنسبة للاستهلاك، بعد 3000 كم القراءة كانت 7.5 لتر لكل 100 كم، والرقم فعلاً واقعي حسب قيادتي، على الطرق السريعة ما بين 6 إلى 7، وفوق سرعة 120 يوصل 8، وفي الزحمة ممكن يوصل 9 أو 10، لكن بشكل عام استهلاكها مرضي. أنا أقود غالباً بسرعة وانطلاقتي قوية، ومع ذلك الاستهلاك متوازن، واللي يسوق بهدوء يقدر يطلع باستهلاك أقل. أكثر شيء ما عجبني هو الفرامل في بدايتها ناعمة بزيادة، خصوصاً إني متعود على سيارات أمريكية فراملها حادة، بس مع الوقت تتعود. بشكل عام أشوف إن السيارات اليابانية والكورية خيار ممتاز للي يدور الاعتمادية وراحة البال، وبعد 3000 كم مع CX-5 أحس إني اخترت السيارة الصح.