عندي بيجو 3008 موديل 2019، بصراحة اعتمادية وبقالها معايا 6 سنين من غير اعطال كبيرة ده غير إن تصميمها حلو. وكمان عملية ومناسبة للاستخدام اليومي. من بره شكلها شيك جدًا. الصالون من جوه مريح جداً، المساحة جوا العربية كويسة جدًا، فيه حرية حركة ومفيش إحساس بالزحمة، بس العزل مش أحسن حاجة، مش مزعج أوي بس باين. بالنسبة للأداء، العربية بتستجيب كويس جداً، لما بدوس بنزين بتتحرك بسرعة، والفتيس ناعم جداً ومفيش أي نتشات، كل حاجة سلسة. العربية تقيلة شوية وتحس كأنك سايق مركب، بس مريحة جداً والتعليق بتاعها ماشي تمام. أكتر حاجة عجبتني بجد هي استهلاك البنزين، مشيت بيها لحد دلوقتى 400 ألف كم، ومعدل الاستهلاك طلع حوالي 8.2 لتر لكل 100 كم، وده ممتاز على الحجم ده. عموماً العربية مريحة، والعزل معقول، وأنا مبسوط بيها جدًا.