منتدى هافال H9

هافال H9

4.2
يوصي

2 تقييم

    4.3القيمة مقابل المال
    4.3المظهر الخارجي
    4.3المساحة
    4.5السلامة
    3.5استهلاك الوقود

4.5
أنا اشتريت العربية عشان شكلها، الصراحة شكلها جامد جدًا ومميز، من جوه نفس ستايل هافال المعروف، الموتور قوي ومحترم. استهلاك البنزين مش قليل، بس أنا أصلاً ما كنتش جايبها عشان أوفر، وده طبيعي مع عربية بالحجم ده. الأمان كان من أهم أسباب اختياري ليها، وفعلاً حاسس إني مطمن وأنا سايق. المساحة جوه كبيرة جدًا، أنا واخد النسخة الـ5 راكب ومريحة جدًا. استهلاكي في المدينة من 18 لـ22، وعلى الطرق السريعة 14 لـ16، وده ممكن بسبب شوية تعديلات ركّبتها زودت مقاومة الهوا، بس بشكل عام أنا راضي جدًا عن العربية.
81

3.8
أنا كثير أطلع بر وسفاري، فكان أهم شي عندي إني آخذ سيارة تتحمل وتكون فعلاً جاهزة للطرق الوعرة، وبصراحة هافال H9 أثبتت لي إنها قدّها وقدود. السيارة تمشي في الدروب الصعبة بدون ما تحتاج أي تعديل، ومع إنها وكالة، إلا إنها تتعامل مع المطبات والحفر بكل سهولة. الكراسي مريحة جداً، والمساحة ممتازة، ونظام التعليق ناعم يخليك مرتاح حتى في الطرق الترابية أو غير المعبدة. يوم سألت عن سعر السيارة في السوق بعد فترة استخدام، انصدمت إنها ما نزلت كثير، فعلاً سيارة تحافظ على قيمتها. الداخلية فيها شوية ملاحظات، ما تعكس فخامة السيارة من بره، التصميم بسيط وشوي قديم، والمادة المستخدمة تعتبر متوسطة. تمنيت يكون فيها طابع أكثر حداثة. حوالين الجير مافي مساحات تخزين كافية، الأزرار كثيرة ومزدحمة شوي، فما عندك مكان واضح تحط فيه محفظتك أو تلفونك، أنا شخصياً أحطهم على كرسي الراكب. حجم السيارة كبير، وهذا يسبب شوية ضغط داخل المدينة، أحياناً ألاقي موقف ممتاز بس ما أقدر أدخل فيه، خصوصاً لو الشوارع ضيقة. لكن لما تطلع بر أو تسافر مسافات طويلة، تكتشف ليش حجمها ميزة مش عيب. السيارة واسعة جداً من الداخل، سواء الركاب أو مساحة الشنطة. السطر الثاني مريح جداً، حتى الكبار يقدرون يمدون رجولهم ويرتاحون، والشنطة تكفي كل العفش، بس تحتاج شوي جهد لأن مستواها مرتفع ورفع الأغراض يتعب. أما من ناحية الأداء، فكنت متوقع إنه بيكون عادي، خصوصاً إني جربت محرك 2.0 تيربو مع قير 8 نمر قبل كذا، لكن هنا الوضع اختلف. تسارع السيارة كان سلس ومفاجئ، والقيادة ناعمة، وتحس إن العزم متوفر من بدري، ما تحس إنها سيارة ثقيلة أو كسولة، حتى لما تكون محمّلة. الصوت داخل السيارة في الخط جداً هادئ، العزل ممتاز، تقدر تتكلم بصوتك الطبيعي وما تحتاج ترفع صوتك، وهذا بالنسبة لي شي أساسي. نظام الدفع الرباعي ذكي جداً، فيه دبل، دفلوك أمامي وخلفي، مع شاصي فعلي غير حمّال، والسيارة مبنية من الأساس لتكون قوية في البر. واضح إن هافال اشتغلت بجد في بناء السيارة هذي لتناسب المغامرين واللي يحبون يطلعون للبر، وأشوف إنها تتفوق بوضوح على منافسين بنفس السعر، مثل الجيتور مثلاً، اللي يوصل سعره 20 ألف وهو أصغر وأقل قدرة في البر. بكل صراحة، لو تبغي سيارة شكلها قوي، أداءها ثابت، مريحة في السفر، وقادرة فعلاً تطلعك من أي ورطة في البر، هافال H9 خيار ممتاز. ومهما كانت عندها ملاحظات بسيطة في الديكور، تظل سيارة تستاهل كل درهم تدفعه فيها.
34

سيارة ذات صلة

Haval H9
هافال H910,599 ~ 12,000 BHDبنزين