نصائح، مراجعات، أسئلة وأجوبة حول السيارات في الإمارات

جربت هيونداي إلنترا N ، القيادة ممتعة جدًا بفضل التعليق الرياضي (ماكفرسون أمامي ومتعدد خلفي)، مع جنوط 19 إنش وإطارات PS4S، والثبات عالي حتى في المنعطفات القوية، خاصة مع نظام التماسك الإلكتروني. الداخل عادي مثل أي إلنترا، لكن المقاعد الرياضية والديزاين يرفعون الإحساس الرياضي، وحتى لو ما فيها CarPlay، فيها خصائص كثير تركّز على المتعة. استهلاك البنزين تقريبًا 13 لتر، مقبول جداً لسيارة رياضية بهالقوة، بس خزان البنزين صغير شوي (47 لتر)، وتحتاج بنزين 95 عشان تعطي أفضل أداء. فيها مزايا حلوة مثل NFC لفتح السيارة، وتحذير لو نسيت الجوال في الشحن، ونظام صوت KRELL، والزر الأحمر "N Grin Shift" يعطيك 10 أحصنة زيادة لـ20 ثانية.

نيسان چوك بصراحة عربية صغيرة شكلها شبابى، وممكن تنافس تويوتا وفولكس وبدرجة أقل هوندا. المساحة بتاعتها أحسن من عربيات زي الإيكو سبورت أو الشيفروليه تراكس، وكمان الموتور ناعم واستهلاك البنزين قليل جدًا.

تابعت عروض راف 4 من 2019، وبعد بحث وتجربة طويلة، اشتريت راف 4 هايبرد 2021 بسعر ممتاز مع بعض الهدايا. السيارة مريحة وثابتة، واستهلاك البنزين ممتاز حوالي 6.3 لتر/100كم، وقارنتها مباشرة مع CR-V. الشكل الخارجي أعجبني من أول نظرة، والداخلية مع الوقت صارت مقبولة، خاصة بعد تحديث الشاشة. العيوب كانت في الفرامل اللي تحتاج تعود، وبعض التجهيزات الداخلية البسيطة، لكن بشكل عام راضٍ جداً عن السيارة.

تيجوان السواقة فيها مريحة، الدركسيون خفيف في الزحمة وثابت على السرعة، والأداء بيعتمد على الموتور، الـ1.4T ضعيف شوية، لكن الـ2.0T أحسن بكتير، خصوصًا النسخة اللي فيها دفع رباعي و6 وضعيات قيادة. بس خد بالك، السبع كراسي مش موجودين إلا في أعلى فئة، ومش هتقدر تطلبهم لو جبت فئة أقل، وده ممكن يضايق اللي محتاج 7 كراسى.

جربت هافال H7 موديل 2021 وبصراحة شايف إنها عربية SUV محترمة وفيها مميزات كتير. شكلها جامد وملفت، الشبكة الأمامية عريضة وبتديها حضور، والجنوط الـ20 بوصة شكلها رياضي. من جوه، الفرش البني مع تطعيمات الكروم والخشب مدي إحساس بالفخامة، والشاشة 9 بوصة شغالة كويس. المساحة جوه ممتازة، أنا طولي 177 سم وقعدتي قدام وورا كانت مريحة، والسقف البانوراما بيدّي وسع. الموتور 2.0 تيربو مع فتيس 7 سرعات دبل كلاتش أداؤه قوي، خصوصًا على وضع السبورت. من العيوب: التعليق ناشف شوية وبيظهر في المطبات، والعزل الصوتي مش أحسن حاجة خصوصًا على السرعات العالية، وكمان استهلاك البنزين في المدينة بيعدّي 10 لتر، ولو شغلت التكييف بيزيد. في المجمل، عربية قوية وسعرها مناسب، خصوصًا إنهم زودوا الإمكانيات من غير ما يرفعوا السعر، فبشوفها اختيار كويس لو بتدور على SUV متكاملة وسعرها معقول.

جيلي إمجراند سعرها مناسب ومليانة تجهيزات. شكلها حلو، وفيها كاميرا 360 واضحة، والموتور 1.5 شغال كويس حتى على الطريق السريع. العيب الوحيد إن العفشة ناشفة شوية على المطبات، لكن في المجمل مبسوط جداً بيها.

المساحة جوا مش كبيرة أوي، أنا طولي 175 سم ولسه فيه شوية مساحة ورا، بس الرأس ضيقة شوية، والشنطة ممكن تكبر لما تطبق الكنبة. الموتور 1.5 تيربو بـ136 حصان، مع فتيس 7 سرعات دبل كلاتش، مناسب للمشاوير اليومية. التعليق مريح والتحكم كويس، والاستهلاك حوالي 7.4 لتر.

أنا اشتريت العربية عشان شكلها، الصراحة شكلها جامد جدًا ومميز، من جوه نفس ستايل هافال المعروف، الموتور قوي ومحترم. استهلاك البنزين مش قليل، بس أنا أصلاً ما كنتش جايبها عشان أوفر، وده طبيعي مع عربية بالحجم ده. الأمان كان من أهم أسباب اختياري ليها، وفعلاً حاسس إني مطمن وأنا سايق. المساحة جوه كبيرة جدًا، أنا واخد النسخة الـ5 راكب ومريحة جدًا. استهلاكي في المدينة من 18 لـ22، وعلى الطرق السريعة 14 لـ16، وده ممكن بسبب شوية تعديلات ركّبتها زودت مقاومة الهوا، بس بشكل عام أنا راضي جدًا عن العربية.

شيفروليه ماليبو عربية مميزة ومش واخدة حقها فى مصر، شكلها الخارجي جذاب. من جوه كويسة جدًا، فيها شاشة بتدعم Apple CarPlay وعدادات ديجيتال، وكراسي أمامية بتسخين. المساحة واسعة والشنطة كبيرة، بس الرأس ورا ممكن تكون أقل شوية. الأداء ممتاز داخل المدينة، والتسارع من 0 لـ80 سريع، وبعد كده الأداء بيقل شوية عشان الموتور 1.5 تيربو، بس السبورت مود بيساعد. عربية محترمة جدًا بالنسبة لسعرها وفئتها.

نيسان سنترا كانت أول عربية أجيبها بعد الرخصة، وندمت إني ما جبتهاش مستعملة لأني خبطتها كتير في أول سنة. أدائها ضعيف خصوصًا على الطريق السريع، والعزل مش قوي. استهلاك البنزين حوالي 6.5 لتر، ومش بستخدم ECO عشان ما أضعفش الأداء. بس بصراحة مريحة جدًا، والكراسي فعلاً مميزة.

اشتريت توي بيجو 508 موديل 2025 بسبب تصميمها الداخلي ومستوى الأمان، وشكلها الخارجي بعد تركيب شبك معدل عطاها طابع رياضي أكثر. المساحة مناسبة لي، الأداء ممتاز مقارنة بسياراتي السابقة، والتسارع كافي. الراحة جيدة لكنها شوي قاسية، ما جربت القيادة العميقة للحين. الصوت داخل السيارة واضح والطريق تحسه، لكن مو مزعج. الشكل الأوروبي أحلى، بس اللي عندي تمشي الحال. بشكل عام راضي عن اختياري، ولو فيه بعض الملاحظات على السعر والمفاوضات.

أنا جبت نيسان صني مستعملة في 2018، كانت موديل 2015، وكنت تاني مالك ليها، اشتريتها بـ 160 ألف جنيه. أول ما استلمتها كان العداد بيقول 60 ألف، بس باين أوي إنهم لعبوا في العداد، من شكل العجل والتفاصيل، بس ماشي، وقتها كنت عايز عربية تمشي وخلاص. أول سنة مع العربية كانت بصراحة مفاجأة لطيفة. استهلاك البنزين كان ممتاز، حتى وأنا سايق بطريقة فيها شوية شقاوة، كانت بتعمل حوالي 6 لتر لكل 100 كم، وده بعد ما نظفت البخاخات وغيرت البوجيهات وغسلت الحساسات، فبقت أهدى في السحب وأنعم في الأداء. مرة وصلت بيها 700 كم على تانك واحد، بس ده نادر، الأغلب كان 600 وشوية، والحلو إن العربية على طريق سريع كانت بتستهلك أكتر من جوه المدينة، وده غريب شوية بس بيأكد إنها معمولة للمشاوير القصيرة. سواقتها خفيفة وسلسة، الدركسيون ناعم وفيه سنة رجوع محترمة، العفشة طرية لكن مش رخوة أوي، والعربية رغم إنها خفيفة، كنت حاسس إنها ماسكة نفسها أكتر مما توقعت. صراحة، من أكتر العربيات اللي سقتها وكنت مرتاح لها. المساحة خرافية، العربية صغيرة من بره، بس جوا كأنها صالون كبير. نيسان خلت العربية كلها للركاب، وصغّرت الكبوت والتابلوه، وده على قد ما هو ميزة، له تمن. العزل ضعيف جدًا، صوت الطريق والهوا داخلين كأنك راكب توك توك. والصاج خفيف لدرجة تحس إنه بيتكسر بإيدك، تحط رجلك غلط تحس إنك هتخرم الأرضية. العربية كمان فيها شوية مشاكل كده: الكاسيت تعبان، غيرت الموتور بتاع التكييف، وبرضو فيه أصوات طلعتلي. بس في النهاية، أنا شايف إن نيسان صني عربية بسيطة جدًا، بتقدم راحة ومساحة وسهولة استخدام، لكن على حساب الجودة والعزل والمتانة. لو الفلوس محدودة وعايز عربية تمشيك مشاويرك اليومية من غير ما تطلب كتير، فهي اختيار منطقي، بس لو بتدور على فخامة أو متانة... دور في حتة تانية.

بص يا سيدي، أنا من الناس اللي دورت كتير قبل ما أشتري عربية، وجربت كل حاجة من جيلي ستار راي لنيسان سنترا وفولكس فاجن جيتا، بس في الآخر رجعت للكلاسيكيات واخترت تويوتا كورولا 2021 1.2T Plus، لأنها ببساطة مفيهاش مشاكل، ودي أهم حاجة لواحد في التلاتينات زي عنده شغل وبيت ومسؤوليات. جبتها ومعاها شوية هدايا زي كشافات LED، حساسات ركن، تظليل، دواسات، و7 صيانات مجانية. العربية مش هتفاجئك ولا هتخطف قلبك، بس هتعيش معاك وتخدمك، مريحة، ناعمة، عفشتها متماسكة، وأداءها كفاية للمشاوير اليومية، مش لازم تطير. الداخلية بسيطة بس مريحة، والكونسول مفيهوش كار بلاي، بس مش نهاية العالم، بوصّلها بالواي فاي وخلاص. استهلاك البنزين حوالي 6.3 لتر لكل 100 كم، وأنا سواقتي هادية. باختصار، الكورولا مش أحسن عربية في كل حاجة، بس يمكن أكتر عربية "من غير وجع دماغ"، وده أهم من أي أرقام أو شاشات كبيرة.

جالي فرصة إني أجرب تويوتا كورولا الجديدة، النسخة الـ1.2T فئة إليت، بصراحة مافيش تغييرات كبيرة في الشكل عن الجيل اللي قبل كده، لكن قلت أشارك رأيي بكل بساطة. أداء الموتور مش قوي قوي، 116 حصان على عربية بالحجم ده يعتبر مقبول، لكن لما تدوس فعلاً وبتسحب في عدد لفات أعلى، بتحس إنها مش بطيئة خالص، بل بالعكس أخف من اللي كنت متوقعه. الفتيس CVT ناعم ومعقول، بس على السرعات البطيئة فيه شوية اهتزازات خفيفة وسحب خفيف لما تسيب البنزين. لما تطلب تسارع قوي، العربية بتاخد وقت شوية لحد ما توصل للـRPM المطلوب، بس مش مزعج. العفشة حلوة مع المطبات الكبيرة، لكن في المطبات الصغيرة أو الطرق غير المستوية بتحس شوية بتفاصيل الأرض، خصوصًا لو ماشي على سرعة بسيطة. في الملفات السريعة العربية بتتصرف كويس، وبتستجيب معاك بثبات، فده كان شيء مفاجئ بصراحة. الدركسيون ممتاز، خفيف على السرعات القليلة وبيشد شوية مع السرعة، التوجيه سهل وواضح. الفرامل كمان سهلة التعود وسلسة جدًا، مافيهاش مشاكل. العزل متوسط، الصوت الخارجي بيبدأ يبان بعد سرعة معينة، خصوصًا من الأرض، لكن صوت الموتور مش مزعج حتى على RPM عالي، وده حاجة تُحسب له. من جوه، التصميم زي ما هو تقريبًا، مافيش تغيير يذكر، والخامات مش أحسن حاجة، بلاستيك في كل مكان تقريبًا. الشاشة والعدادات ما اتطورتش في النسخة دي زي ما حصل في فئات الـ1.5 والهايبرد. حتى نظام التشغيل بطيء وشكله قديم، وملوش في التفاعل أوي، وده غريب في عربية 2024. المساحة قدام كويسة، وكرسي السواق بيتظبط على وضعية مريحة، لكن الكنبة ورا مش أحسن حاجة، المساحة متوسطة، والكرسي قصير شوية. الشنطة حلوة وتكفي الاستخدام العادي. فيه أنظمة أمان كويسة زي الرادار والمساعدة على القيادة، بس مافيش حساس ركن خلفي، حاجة غريبة جدًا بصراحة. بشكل عام، التجهيزات مش قليلة، لكن فيها أولويات مختلفة شويتين. في الآخر، العربية دي مافيهاش مفاجآت، وده يمكن يكون في صالح ناس كتير بتحب الحاجة المضمونة. هي مش عربية تسبق عصرها، بس للي بيدور على الاعتمادية وسهولة الاستخدام، ممكن تفضل اختيار منطقي، خصوصًا وسط زحمة السيارات الكهربائية والهجينة اللي بدأت تاخد السوق. المسألة كلها بترجع لاحتياجاتك والميزانية وقت الشراء.

دلوقتي عدت 8 سنين على العربية، ومشيت بيها 230 ألف كم، ولا مرة وقفت معايا، لا عطل ولا مشكلة. عمرها ما دخلت توكيل، كل الصيانة كنت بعملها في الورش، تغيير زيت وكده. وده غير إن مصاريفها في السنة كلها، من تأمين وبنزين وصيانة معقولة. كنت ناوي أغيّرها في 2022، بس حصلتلي ظروف في البيت، قعدت سنة ونص من غير شغل، فنزلت اشتغلت أوبر عليها، ورجعت أشتغل في 2024. وبما إن العربية لسه شغالة وزي الفل، قلت أكمل بيها، بتقضي الغرض. طبعًا، متجيش تقوللي عايز فيها أداء وسرعة، لو مليت العربية ركاب مش هتلاقي فيها نفس، بس هي أصلًا مش معمولة لكده. عربية تروح بيك وتيجي، من غير قلق، من غير مصاريف. عربية اقتصادية جدًا، مفيهاش رفاهية بس فيها راحة بال، وده أهم حاجة في الزمن ده.